L-għanijiet tal-Kummissjoni huma li ġġib ’il quddiem l-Arti Sagra u l-apprezzament tagħha u l-edukazzjoni fiha. Tara wkoll li opri ġodda fil-knejjes isiru biss fejn meħtieġa jew pastoralment utli, u li jkunu ta’ livell artistiku xieraq. Il-laqgħat tal-Kummissjoni jitmexxew mill-Arċisqof Charles Scicluna u jsiru erba’ darbiet f’sena.
Membri
Mons. Jesmond Manicaro, Chairperson
Dun Charles Bugeja, Segretarju
Mons. Claude Portelli
Perit Andrew Ellul
Perit Andrew Scicluna
Sa Agatha Grima
Sur Hilary Spiteri
Monsinjur Louis Suban (rappreżentant tal-Kulleġġ tal-Kappillani)
B. E. & A. (Hons.) (Melit.), Perit
Studja l-Arkitettura fl-Università ta’ Malta minn fejn iggradwa u sar Perit, b’interess partikulari fid-disinn. Jaħdem ma’ kumpanija ta’ periti. Ikkontribwixxa fid-disinn u l-ippjanar ta’ proġetti bħall-bini tal-European Union Agency for Asylum (ex Malta Maritime Authority), il-Valletta Waterfront, il-Forti Chambray u binjiet residenzjali.
Mons Claude Portelli rċieva l-formazzjoni edukattiva tiegħu fil-Kulleġġ St Edward’s, il-Birgu. Huwa rċieva l-formazzjoni saċerdotali fis-Seminarju tal-Arċisqof tal-Virtù kif ukoll fil-fakultà tat-Teoloġija fl-Università ta’ Malta, fejn iggradwa fil-Liċenzjat fit-Teoloġija Pastorali. Huwa ġie ordnat saċerdot fit-28 ta’ Lulju 2002. Dun Claude kellu l-ewwel esperjenza pastorali tiegħu fil-Parroċċa ta’ Marija Assunta f’Ħal Għaxaq. F’Lulju tal-2003 inħatar viċi kappillan tal-Parroċċa ta’ San Ġiljan u fl-2009 inħatar kappillan tal-istess parroċċa. Huwa temm il-ħidma tiegħu bħala kappillan f’Ġunju 2022.
F’Jannar 2023 inħatar l-ewwel Delegat għall-Kultura fl-Arċidjoċesi u għandu l-missjoni li joħloq djalogu bejn il-Knisja f’Malta u l-qasam tal-kultura. F’Lulju 2024 inħatar Arċipriet tal-Katidral Metropolitan ta’ San Pawl, Mdina.
Imwieled fl-1982, Hilary Spiteri jservi bħala Deputat Kap tal-Iskola u Kap tad-Dipartiment tal-Arti u l-Istorja tal-Arti fil-Kulleġġ De La Salle Sixth Form f’Malta, fejn jgħallem l-Arti u l-Istorja tal-Arti. Huwa membru tal-Kummissjoni għall-Arti Sagra fi ħdan il-Knisja f’Malta u regolarment jikkontribwixxi artikli ta’ natura storika għal The Sunday Times of Malta u rivisti oħra. Spiteri kiseb il-Baċellerat fl-Istorja tal-Arti mill-Università ta’ Malta fl-2003 u kiseb Master fl-istess dixxiplina bi speċjalizzazjoni fuq il-pedagoġija artistika, il-moviment Neoklassiku, u l-arti Ewropea tas-seklu dsatax. Irriċerka f’diversi kollezzjonijiet madwar l-Ewropa, attività li wasslet għal diversi pubblikazzjonijiet sinifikanti, fosthom Academic Artistic Training in Early British Malta (2011) u Filial Churches of Malta: Qormi A Case Study (2016). Bħala artist u kuratur, ix-xogħlijiet tiegħu jidhru f’kollezzjonijiet privati kemm lokalment kif ukoll lil hinn minn xtutna, u ikkoordina wirjiet prominenti bħal The Life and Work of Lewis Wirth and Helen Cavarra (2014) u Celebrating Antoine Camilleri (2015). Spiteri jipproduċi u jippreżenta wkoll dokumentarji tal-arti li jiffokaw fuq l-istorja tal-arti Maltija.
